KUWAIT- Naibalud dagiti tallo nga indibidual a maatap a manslaughter iti nauram a pasdek idiay Kuwait a nakatayan dagiti uppat a pulo ket siyam nga indibidual idi laeng kalman.
Maysa kadagitoy ket ti Kuwaiti national ken dagiti dua a foreign residents.
Sigun iti public prosecution, naibalud dagitoy gapu iti panagbaybay-anda kadagiti security procedures ken fire regulations.
Maibasar iti report, napasamak ti uram gapu paylaeng iti electrical short circuit.
Iti agdama, manarimaan paylaeng ti imbestigasyon tapno maamwan dagiti rason iti likudan daytoy.
Kabayatanna, kaaduan kadagiti pimmusay iti daytoy ket dagiti Indian Nationals, isu’t gapuna nga impasigurado ni India’s junior foreign minister Kirti Vardhan Singh a mangipaay iti tulong para kadagiti survivors bayat a manarimaan metten ti pannakarepartriate dagiti bangkay dagiti pimmusay.//Rose
