BAGUIO CITY – Pakabuklan a tallo pulo ket innem nga indibidual ti natiliw iti makalawas nga anti-criminality campaign ti Police Regional Office – Cordillera manipud Hunyo 21 agingga Hunyo 27.
Maibasar iti datus ti Regional Investigation and Detective Management Division, nakatiliw ti Baguio City Police Office ti sangapulo ket uppat a wanted person; sangapulo ket tallo iti Benguet Police Provincial Office (PPO); sag-tallo ti Kalinga PPO ken Mountain Province PPO; dua iti Ifugao PPO with two arrests; ken maysa nga arrest ti Abra PPO.
Iti nasao a bilang, nabigbig ti lima kas Most Wanted Persons, uppat ket nailista iti Municipal Level ken maysa iti Provincial Level.
Iti kapada metlaeng a period, lima pulo ket siyam a municipyo iti rehiyon Cordillera ken tallo a Baguio City police stations ti nakairekord ti zero crime incidents.
Dagitoy ti dua pulo ket uppat a municipyo manipud Abra; sangapulo a municipyo iti Benguet ken Mt. Province; pito a municipyo iti Ifugao; lima iti Kalinga; ken tallo a municipyo iti Apayao.
Iti Baguio City, zero crime incident ti Police Station 4, PS 5 ken PS 7 manipud iti sangapulo a police station iti nasao a period.
Kabayatanna, bimmaba iti 34.09% ti Peace and Order Indicator (POl) ken 0.79% decrease iti Average Weekly Crime Rate nu idilig idi napan a tawen.
Nagun-od pay ti PRO-CAR achieved ti 62% Crime Clearance Efficiency ken 55% Crime Solution Efficiency a mangipasimudaag iti panagregget dagitoy para iti panakaipatungpal ti linteg seknan iti panakaliklik ti krimen iti masakopan dagitoy.
