--Ads--
![](https://img.bomboradyo.com/baguio/2019/05/pdeaa2.jpg)
BAGUIO CITY – Nakemmeg ti maysa a lalaki iti buy-bust operation nga insayangkat dagiti otoridad sadiay Camp Henry Allen, Baguio City idi kanikadua.
Nabigbig daytoy a ni Matty Yanes, 38-anyos, naasawaan ken residente ti Dominican Hill, Baguio City.
Nakumpiskar kenkuana ti 12 a pakete a naglaon ti dumanon 10 a gramo ti mapapati a shabu.
Nakumpiskar pay kenkuana ti cellphone a naaramat iti transaksion.
Sumango ni Yanes iti kaso a panaglabsing iti RA 9165 wenno ti Comprehensive Dangerous Drugs Act of 2002.
Naamuan a ni Yanes ket target-listed drug personality ditoy Baguio City.