Maisingsingasing kadagiti motorista nga agturong idiay La Trinidad ti temporaryo a panagaramat dagitoy kadagiti alternate route tapno san unay a nailet ti gunay ti trapiko iti sentro ti munisipyo
Iti panakiuman ti Bombo Radyo kenni La Trinidad Mayor Romeo Salda, ipakpakaawatna a manarimaan ti panakapasayaat ti kalsada iti KM 3 agingga KM 5 a naituding a malpas inton Hunyo 2025.
Nupay kasta, dinakamat ni Mayor Salda nga impanamnama ti kontraktor ti nasao a proyekto a maksayan ti kabayag sakbay a maileppas daytoy gapu ta mapangpanggep ti agtultuloy a panagtrabahoda uray iti rabii.
inkari met jay kontraktor a jay juneto june, hope nga ilesser-da tapno…ti ikastada ket agtrabaho ti rabii… tapno koima malpas a dagus.
Mayor Romeo Salda- La Trinidad, Benguet
Karaman kadagiti agdama a road works iti nasao a lugar dagiti drainage, panakapalawa ti Stobosa road, ken ti panakaaramid ti overpass iti paset ti KM 5.
Kabayatanna, agtaltalinaed met ti Buyagan Road ken ti San Jose Road a pakapaspasamakan ti panaglayos nu agbayakabak ti tudo rason a karaman dagitoy kadagiti imonmonitor ti Department of Works and Highways (DPWH).
Maipatpatungpal met ti unclogging iti Bolo Creek tapno maikkat dagiti nakapullat a daga iti daytoy ken tapno naannayas ti panagayos ti danum nga agturong iti Balili River.//Bombo Rob Dominguez
