Impaganetget ni Legal Spokesperson Atty. Benjamin Tolosa nga agtaltalinaed a natibker ti testigo dagitoy a ni sigud nga state auditor from the Commission on Audit (COA) Roderick Wamil.
Sigun kenni Atty. Tolosa, saan a nasukimat ti maatap a partisipasyon ni Vice President Sara Duterte iti pannakaaramat ken liquidaton ti confidential funds.
Innayon ti opisial a suportado daytoy dagiti dokumento nga addaan iti approval, certification ken pirma ti bise presidente kas dadaulo ti Office of the Vice President ken Department of Education.
Malaksid iti dayta, kinuna ni Tolosa a saan metlaeng a nadamag ti maatap a kinaawan ti resibo para iti pannakagatang dagiti medical supplies ken no kasano a nagastos ti P125 millon a confidential funds iti las-ud laeng ti 11 nga aldaw.
Gapu iti dayta, kinuna ni Tolosa nga agtaltalinaed a natibker ti testimonya ti testigo seknan iti confidential funds.
