BAGUIO CITY – Manamnama a manayunan dagiti pagkiluan nga agserserbi a timbangan ng bayan a masarakan iti nagduduma a disso iti Baguio City Public Market.
Sigun kenni City Market Supervisor Marieta Alvarez, manayunan ti dua wenno tallo a pagkilo-an dagiti timbangan ng bayan iti merkado publiko tapno ad-adu ti maaramat dagiti market goers.
Imbinglayna nga iti agdama ket bigbigbigenda paylaeng dagiti disso iti merkado publiko a mabalin a pakaikabilan dagiti nasao a pagkilo-an.
Kagiddan iti daytoy, al-allukuyenna dagiti market goers iti panagaramatda iti timbangan ng bayan tapnu masukimat ti kadagsen dagiti ginatangda a produkto tapno maliklikan ti panakagundaway dagitoy.
Inlawlawagna manen a babaen iti timbangan ng bayan ket maliklikan ti pananggundaway dagiti market vendors kadagiti kustomer dagitoy.
