--Ads--
BAGUIO CITY – Temporaryo a masuspindir dagiti tourism activities iti Asin Hot Spring ken Bayokbok Falls sadiay Barangay Tuel, Tublay epektibo inton June 6, 2022.
Maibasar iti Executive Order No. 23 series of 2022 nga inruar ni Mayor Armando Lauro, daytoy ket kas panagannad iti panagserrek ti panawen ti panagtutudo.
Malaksid iti dayta, ti nasao a barangay ti addaan iti kababaan a vaccination percentage iti intero a Tublay isut gapuna a vulnerable iti COVID-19 dagiti residente sadiay.
Nabilin met dagiti barangay officials ken ti Tublay Municipal Police Station agramanen dagiti concerned municipal personnel nga ipatungpalda ti kaskenan nga addang para iti epektibo nga implementasyon ti nasao a pammilin.
