--Ads--
BAGUIO CITY – Pimmusay ti maysa nga ubing kalpasan nga aksidente a naatalan daytoy ti maysa a lugan sadiay Military Cut-Off, Baguio City idi kalman.
Nabigbig ti ubing a ni Elija Donglos Langgato, 8-anyos.
Nabigbig met ti driver ti lugan a ni Gian Carlo Menzona, 21-anyos, estudyante ken residente ti Upper Rock Quarry, Baguio City.
Sigun iti Baguio City Police Office, agturong kuma ni Mendoza iti paset ti Camp 7, Baguio City idi naatalanna ti ubing kalpasan a killaat a bimmalasiw ti biktima iti kalsada.
Intaray ti driver ti ubing iti pagagasan ngem naideklara daytoy a pimmusay. (-with Bombo Brigitte Marcasi)
