--Ads--
Mapalpalagipan manen dagiti umili iti siudad ti Baguio nga agtalinaed dagitoy nga alerto ken naridam gapu iti possible nga epekto ti bagyo nga Uwan.
Iti panakiuman ti Bombo Radyo kenni Councilor Vladimir Cayabas, kinunana a napateg ti panagsagana rason a nasken a nakasagana dagiti balon iti uneg ti pagtaengan kas kadagiti taraon tapno saanen a rumuar no napigsa ti bagyo.
Nupay kasta, no narisgo met ti aglawlaw ket nasken nga agbakwit a dagus tapno maliklikan ti aniaman nga insidente.
Impettengna pay a rumbeng nga isave dagiti emergency contact number dagiti otoridad tapno adda ti pagpatulungan no adda ti emerhensya.
Innayonna pay a nasken nga agtulnog iti balakad dagiti opisyal para metlaeng iti pagsayaatan dagitoy.
