Inlawlawag ni Atty. Edgar Avila, legal luminary iti Baguio City, nga umno laeng ti panag-object dagiti abogado manipud iti prosecution ken defense team bayat ti impeachment trial ni Vice President Sara Duterte.
Kinunana iti pannakiuman ti Bombo Radyo a ti panag-object ket paset ti pagalagadan ti rules of court isut gapuna a karbengan ti tunggal partido ti ag- object no adda ti makitada a saan a maitunos wenno makaapektar iti pannakaawat iti ebidensia.
“Trabaho ‘yan…Ang senate impeachment court kasi in-adapt nila ang rules of court so tama lang na mag-object and depensa at tama rin na mag-object ang prosecution because ito ang nasa rules of court.” sigun kenni Avila.
Inlawlawagna pay a no ti objection ket maipapan iti immaterial wenno leading questions ket ikonsidera daytoy ti impeachment court a paset ti legal a proseso.
Innayonna pay a no ibasar iti legal a panangkita ket nasaysayaat ti performance ti prosecution iti umuna a lawas ti panagdengngeg ken adda posibilidad iti conviction ni VP Sara no agtultuloy daytoy agingga malpas ti nasao a trial.