Indauloan ti La Trinidad Municipal government ti umuna a batch ti panangipaay iti Unified Package for Livelihoods, Industry, Food, and Transport (UPLIFT) Assistance Payout iti agarup 371 a benepisyaryo idi napalabas a lawas.
Nakaawat ditoy dagiti benepisyaryo iti sag- P2000 a gatad para iti initial rollout.
Panggep ti nasao a programa a mangipaay iti suporta kadagiti agkasapulan iti nasao a munisipyo a naevaluate babaen iti 2024 Community-Based Monitoring System (CBMS) ken kadagiti saan a paset iti Pantawid Pamilyang Pilipino Program (4Ps).
Inlawlawag met ti DSWD-Cordillera a ti nasao a programa ket saan a maaplayan gapu ta dagiti nagan dagiti benepisyaryo ket maal-ala manipud iti Community-Based Monitoring System (CBMS) data.
Naimatangan met ti presensya ni Mayor Roderick Awingan a nangmonitor para iti naurnos a rollout.//bombokaren.c.sapirao
