--Ads--
BAGUIO CITY – Napasilawanen ti umuna kadagiti 12 panels ti Nativity a naimuntar iti Malcolm Square ditoy siudad ti Baguio.
Tampok iti Nativity dagiti pasamak agingga iti panakaipasngay ni Hesu- Kristo ken umuna a napasilawan ti panel a pakakitaan iti panagparang ni Anghel Gabriel ken ni Birhen Maria.
Naimuntar dagiti panels ti Nativity a kaabay dagiti innem nga ethnic boards a mangibagbagi met iti innem a probinsia ti Cordillera a mangipakpakita iti panagkaykaysa dagiti umili ti rehion iti panakapasangbay ni Kristo.
Sigun ken Mayor Benjamin Magalong, ti installation sadiay Malcolm Square ket paset ti dekorasyon ti siudad para iti Paskua a nadisenyo a maiparang iti publiko babaen iti ethnic symbols ti Cordillera.
