Naanayas ti nagbalin a sitwasyon ti munisipyo ti La Trinidad, Benguet iti umuna nga aldaw ti deployment wenno panagbantay dagiti otoridad para ti panaka-obserbar ti UNDAS 2025.
Sigun kenni Police Lieutenant Colonel Zacarias Dausen, dadaulo iti La Trinidad Police Station, awan pay unay dagiti indibidual a nagturong iti sementeryo ti nasao a munisipyo.
Innayonna pay a manageable ti gunay ti trapiko iti kalsada paturong iti Buyagan Public Cemetery ken iti Buyagan pyramid memorial park no idilig iti central business distract.
Nupay kasta,nagpalagip daytoy kadagiti agturong iti sementeryo a maipawil iti agitugot kadagiti natatadem a banag kas iti bolo, kutsilyo ken daduma pay kalpasan nga adda dagiti temporaryo a naipaima kadagiti kameng ti kapulisan a bladed weapons/ cleaning tools.
Daytoy ket tapno maliklikan metlaeng ti aksidente iti uneg ti sementeryo.//Bombo Noveh Organo
