BAGUIO CITY – Natiliw ti uppat nga indibidual iti tallo a nagsisina a buy-bust operation iti Baguio City ken La Trinidad, Benguet idi rabii.
Immuna a natiliw ti cook a ni Romeo Miranda Santos altas Kalbo, 54-anyos iti buy-bust operation sadiay Loakan Road, Scout Barrio, Baguio City.
Nakumpiskar kenkuana ti tallo a pakete ti maatap a shabu nga agdagsen ti nasurok 10 grams.
Naggigiddan met a natiliw iti buy-bust operation sadiay Purok Pidawan, Loakan Proper, Baguio City da Julia Irish Esperon, Aldrin Dave Gonnad, agpada nga street level individual ken ni John Denver De Guzman, a maysa a high value individual.
Nakumpiskar kadakuada ti maysa a pakete ti maatap a shabu nga agdagsen ti 1 gram.
Kabayatanna, natiliw met iti buy-bust operation sadiay Betag, La Trinidad, Benguet ti painter a ni Alexander Lacadeo alyas Angel, 40-anyos, tubo ti Dagupan, Pangasinan ken residente ti Teacher’s Village, Baguio City.
Nakumpiskar kenkuana ti dua a pakete ti maatap a shabu nga agdagsen ti 0.75 gram.
Agpapada met a narekober manipud kadagiti nasao nga indibidual ti naaramat a buy-bust money ken nakumpiskar dagiti cellphone ken motorsiklo nga inaramatda a nakitransaksion kadagiti operatiba.
Naamuan pay a da Esperon ken Gonnad ket agpada nga street level individual a drug personalities bayat a da De Guzman ken Lacadeo ket agpada a high value individuals.
Iti agdama, sumangsangoda iti kaso a panaglabsing iti RA 9165 wenno ti Comprehensive Dangerous Drugs Act of 2002
