Kinumpirmar ni US President Joe Biden nga agatras daytoy iti umadanin a presidential election ti Estados Unidos a maangay inton Nobyembre.
Daytoy ket kalpasan ti saanna a panakakumbinsi kadagiti Democrats iti panagtarayna manen kas dadaulo ti nasao a pagilian.
Mamati dagiti kaadoan a Democrats a saanen a kaya ni Biden a makilaban kenni Trump nangruna ket saan a nasayaat ti nagbalin a performancena iti napasamak a debate dagitoy itay nabiit.
Sigun kenni Biden babaen iti social media, agtalinaed ladta daytoy kas presidente ken commander-in-chief ti nasao a pagilian agingga nga agleppas ti termino daytoy inton Enero 2025.
Impeksa ni Biden a dakkel a pribilehiyo ti panagserbina kas presidente ti Estados Unidos nu pay napagdesisyonanna nga isardeng ti reelection campaign daytoy.
Mamati met daytoy a para iti interes ti partido daytoy kasta met a para iti pagsayaatanna ti panagatras daytoy iti presidential election.
Daytoy ket tapno mas ikkanna iti pokus ti kinapresidentena iti nabatbati a termino daytoy.
Gapu iti dayta, nainderso ni Vice President Kamala Harris kas baro a nominee iti nasao a posisyon.
Ni Harris, 59-anyos ti kaunaan a black woman nga agtaray iti kangatoan a posisyon iti Estados Unidos
Kabayatanna, iti maysa a phone call ni Biden, inladawanna ni Trump kas “worst president” iti pakasaritaan iti Estados Unidos.
