--Ads--
BAGUIO CITY – Umap-apela dagiti Lion’s Head Souvenir/Pampasalubong Vendors a mapatgan ti kiddaw dagitoy a saanda a maiyakar idiay Green House.
Iti interview ti Bombo Radyo kenni Ellen Galanti, maysa a vendor, kinunana a napinpintas a maihang ti stall dagitoy iti riprap wenno retaining wall iti mismo a puesto dagitoy.
Kinunana a marigatanda iti naisingasing a pagakaran dagitoy gapu ta awan ti pedestrian lane a pagballasiwan dagiti tattao nangruna dagiti senior citizens.
Innayona pay a nalipit ti espasyon nu sadino saanna a maakomodar ti dua pulo ket dua nga stalls.
Kidkiddawen met dagiti vendors a mapalawa pay kuma ti sidewalk iti paset ti Lion’s Head tapno organized ken napinpintas ti langa daytoy.
