Kinumpirmar dagiti otoridad a maituntunos ti initial findings ti National Bureau of Investigation (NBI) iti viral dashcam footage sadiay Kennon Road, Benguet no sadino nakita ditoy ni sigud Department of Public Works and Highways (DPWH) Undersecretary Catalina Cabral a nakatugaw iti kalsada sakbay a pimmusay daytoy idi Disyembre 18.
Pinaneknekan metlaeng ti Philippine National Police (PNP) kenni Department of the Interior and Local Government (DILG) Secretary Jonvic Remulla a ti selfie photo ti driver ni Cabral ket pudpudno ken maitunos daytoy iti tao a naala iti dashcam video.
Sigun kenni PNP acting chief Police Lt. Gen. Jose Melencio Nartatez Jr., nalawag a pudpudno a ti bangkay ket ni Cabral rason a nakatutok ti imbestigasyon dagitoy iti panang-imbestigar iti pudpudno a napasamak.
Makitintinnulong metlaeng dagiti pulis iti panangkalap kadagiti ebidensya nga adda pakainaiganna kenni Cabral a mabalin a makatulong iti imbestigasyon kadagiti naanomalyaan a flood control projects.
Kabayatanna, adda metten ti bangkay ni Cabral iti memorial chapel sadiay Quezon City.
