BAGUIO CITY – Naannayas ken napintas ti proseso ti maipatpatungpal a voter registration para kadagiti umili ti Baguio City sakbay ti deadline ti panagparehistro iti masungad a 2022 national and local elections.
Iti panakiuman ti Bombo Radyo Baguio kenni City Election Officer Atty. John Paul Martin, kinunana a kas iti ninamnamada ket blockbuster ti bilang dagiti botante gaputa umad-ado dagiti agturturong iti registration site sadiay SM.
Nupay kasta, impaganetgetna nga imintinirda ti 300 nga inaldaw a quota dagitoy iti nabatbati a 23 nga aldaw ti panagparehistro.
Inlawlawagna a babaen iti daytoy ket mamintinir met ti kinatalged ken kina-epektibo dagiti 3 a makina wenno Vote Counting Machines a maar-aramat iti registration site.
Kinuna a nailanad iti pakdaar ti COMELEC central office nga 70 nangruna ta 70 laeng tunggal aldaw ti kabaelan dagitoy nga iproseso.
Iyap-apelana pay ti panang-awat ken pasensia dagiti botante nga agparehistro gaputa kagiddan ti umad-adin a deadline ket umat-attidog met dagiti pila kadagiti registration sites.
