--Ads--
BAGUIO CITY – Nangrugi ita nga aldaw ti panakaituloy ti voters registration iti Cordillera para iti 2023 barangay ken sk elections babaen iti panangidaulo ti Commision on Elections (COMELEC).
Iti Interview ti Bombo Radyo, kinuna ni Atty. Julius Tores, Regional Director ti Comelec- Cordillera, agleppas daytoy agingga inton Enero 31, 2023.
Gapu iti daytoy, al-alukuyen ti ahensiya dagiti umili nga agparehistro.
Impettengna nga adda metlaeng ti off-site registration nu sadino saanen a kasapulan nga agturong iti opisina ti COMELEC nu agparehistro no di ket urayenda laeng ti iskidyul iti masakupanda a lugar.
Inaklon met ni Atty. Tores nga adda dagiti karit a sangsangoenda iti agdama kas ti panag-akar dagiti tattao iti lugar a pagbotosan dagitoy.
