Impanamnama ni Vice President Sara Duterte nga agtalinaed latta a “friendly” kenni President Ferdinand “Bongbong” Marcos Jr. uray pay immikkat daytoy iti gabinete ti agdama nga administrasyon.
Sigun iti bise presidente, personal a napan daytoy iti opisina ti presidente tapno itedna ti resignation letter banag nga inawat met ti presidente ken nasayaat ti nagbalin a saritaanda.
Maipalagip a naglusolos ni Vice President Duterte kas sekretarya ti Department of Education ken vice chairperson ti National Task Force to End Local Communist Armed Conflict.
Impettengna a saanna nga inkonsidera ti reaksyon ti publiko nu di ket inkonsideranna ti pagsayaatan ti sektor ti edukasyon.
Impaganetgetna nga agpokus daytoy iti trabahona kas bise presidente ti pagilian a Pilipinas.
