--Ads--
Patien ni Vice President Sara Duterte a nakaaramid ni President Ferdinand Marcos Jr. iti impeachable offense kalpasan a pinirmaanna ti 2025 national budget.
Daytoy ket kasaruno metlaeng ti nagbalin nga statement ti Palasyo Malacañang a saan a nakaaramid ni President Marcos Jr. iti anyaman nga impeachable offense.
Kagiddan dayta, kinuna ti bise presidente a saan a makaipaay daytoy iti komento seknan iti panangibasura ti Kamara kadagiti dua nga impeachment complaints kontra iti presidente gapu ta saanna a nasurutan ti proceedings.
Maipalagip a ti 2025 General Appropriations Act ket naaddaan iti kontrobersya mainaig kadagiti insertions iti Kongreso.
