Panggep ti Commission on Elections (Comelec) ti ab-ababa a panawen para iti withdrawal ti Certificate of Candidacy ken pannakaipila dagiti kasukat dagitoy a kandidato para iti 2025 elections.
Sigun kenni Comelec Chairman George Erwin Garcia, panggep daytoy a malapdan dagiti political groups a manggundaway ken mangallilaw kadagiti umili no siasino ti pudno a kandidatoda.
Innayon ti nasao nga opisial, a posible nga intun Oktubre a uno agingga iti a Oktubre a otso ti filing ti candidacy a mapalubusan nga ag-withdraw ken mabalin a masukatan dagiti ag-withraw.
Ngem kalpasan ti Oktubre 8, awanen ti panagbalbaliw ti kandidatura.
Mabalin laeng a maipalubos ti substitution, kalpasan ti Oktubre 8 no pimmusay wenno madiskualipika ti maysa nga indibidual a nangipila ti Certificate of Candidacy daytoy.
