FINLAND- Pangpanggepen ti pagilian a Finland a mangidiaya iti preemptive bird flu vaccination kadagiti sumagmamano a trabahador partikular dagiti agtatrabaho ken maex-expose kadagiti ayup inton sumaruno a lawas.
Gapu iti daytoy, kinuna ti European Commission a maibilang ti Finland kas kaunaan a pagilian iti sangalubungan a mangisayangkat iti nasao a bakuna.
Ti nasao a bakuna ket maidiaya kadagiti agtawen iti sangapulo ket walo(18) nga agpangato ken kadagiti trabahador kadagiti poultry farms, ken dadduma pay.
Magagaran ti pagilian a mangiruar kadagiti bakuna gapu kadagiti peggad iti pannakayakar dagiti dutdot manipud kadagiti farms.
Kinuna ni Chief Physician Hanna Nohynek a kasapulan a maipatungpal daytoy gaputa kaaduan kadagiti taraken sadiay ket kadagiti addaan iti dutdot.
Kabayatanna, manamnama a mangrugi ti panagbakuna inton sumaruno a lawas kadagiti dadduma a paset ti nasao a pagilian.//Rose
