BAGUIO CITY – Nakipagkaykaysa dagiti medical workers ken estudyante iti panakasuportar ti World Kidney Day iti sangalubungan ita nga aldaw iti Baguio City.
Sigun kenni Dr. Joel Bongotan, Medical Specialist 3 iti Baguio General Hospital Renal Center, panggep dagitoy nga ikampanya ti panakaprebentar ti sakit iti kidney kadagiti umili.
Dinakamatna a napateg daytoy gapu ta nasken nga ipakaammo iti publiko ti panang-aywan iti salun-at gapu ta daytoy ket kinabaknang.
Innayonna pay a maysa daytoy a wagas ti kampanya wenno adbokasiyada tapno matulungan dagiti umili seknan iti panangliklikda a maipasidong iti kidney dialysis.
Kinunana pay a ngimmato ti kaso dagiti maipapasidong iti kidney dialysis iti siudad rason a nainget ti panangikampanyada tapno maprebentaran ti aniaman a kita ti kidney failures.//Bombo Raz pagoli
