BAGUIO CITY- Kumpiyansa ni Team Lakay headmaster Mark Sangiao a nakasagana dagiti players daytoy a mang-awat iti aniaman a karit manipud kadagiti kalaban.
Daytoy ket kalpasan nga impeksa dagiti tallo a fighters manipud Brazil ken India ti intensyon dagitoy a manglaban kadagiti Baguio-based warriors.
Tarigagay ti Brazilian fighters a da Fabricio Andrade ken Reece McLaren a kalabanen da Stephen Loman ken Danny Kingad.
Interesado met ti Indian fighter a ni Gurdarshan Mangat a manglaban kenni Geje Eustaquio.
Maipalagip a nagtaud ni Andrade iti knockout win kontra iti South Korean fighter a ni Kwon Won II ken ti ONE 158 idi napan a lawas.
Nagtaud met ni Loman iti uninamous decision win kontra iti Japanese Fighter a ni Shoko Sato idi Marso.
Agtalek met Loman a maiyawidna ti belt ti World Bantamweight Champion nu mapatgan ken matuloy ti labanda kenni Andrade wenno iti maysa pay a Brazilian Fighter a ni John Lineker.
