BAGUIO CITY- Saan a pinalubosan ti LTFRB-Cordillera ti dua a yunit bus nga agbiahe koma paturong sadiay Metro Manila gapu kadagiti nagduduma a rason.
Sigun iti ahensia, kurang ti dokumento dagitoy partikular ti special permit, napunpunno ti pasahero dagitoy ken nagpaso pay ti fire extinguisher nga ar-aramaten dagitoy.
Naduktalan ti panaglabsing dagiti dua a yunit ti Genesis Transport Service Inc. kabayatan ti implementasion ti OPLAN BIYAHENG AYOS: Semana Santa 2022 a programa ti LTFRB.
Kasaruno iti daytoy, binalaagan ti ahensia dagiti drivers ken operators ti parapubliko a transportasion a kompletoenda dagiti kaskenan a dokumento a maikalkalikagum tapno makabiahe dagitoy.
Iti agdama ket iwanwanan dagiti personnel ti LTFRB-Cordillera dagiti nagduduma a terminal ti parapubliko a lugan tapno maipasigurado nga agtultulnog dagiti drivers, operators ken pasahero kadagiti minimum public health standards sakbay ti panagbiahe dagitoy kadagiti probinsia kagiddan ti obserbasion ti Semana Santa.
