Pimmusay ti sangapulo ket uppat nga indibidual, agraman ti dua nga ubbing iti napasamak a panangraut ti Russia iti residential building idiay central Ukraine, sigun iti emergency services.
Kinuna ni Ukrainian President Volodymyr Zelensky a puntiria ti Russia ti pasdek idiay Poltava ken inawaganna ti panagatake kas maysa manen a krimen ti terorista.
Karaman kadagiti biktima iti panangraut idiay Poltava ket ni Olena Yavorska, ken ti asawana a ni Dmytro ken ti anakda a babai a ni Sofia nga agtawen ti siam.
Saan pay a maisarsardeng ti panagraut idiay Ukriane, uray nu inkari ni United States President Donald Trump itay nabiit a padasenna a pasardengen ti gubat iti nagbaetan ti dua a pagilian iti kabiitan a panawen.
Kabayatanna, agtultuloy met latta ti panangipaay ti tulong ti emergency service ken psychologists manipod iti national police department kadagiti dua gasut a tattao.
