BAGUIO CITY – Manamnama ti adu a bilang ti turista a mapasangbay ti Baguio City iti obserbasyon ti Holy Week iti sumaruno nga lawas.
Iti interview ti Bombo Radyo Baguio kenni City Tourism Officer Engr. Aloysius Mapolo, imbinglayna ti kaudian a datus iti tourist registrations iti VISITA portal ti siudad a dumandanon itan iti 15-K tunggal aldaw.
sigun kenkuana, in-inot a manaynayunan ti nasao a bilang nangruna nu sumangpet ti tunggal weekends wenno ti mismo nga aldaw wenno asidegen ti panagbiahe dagiti turista.
Dumanon met iti 30-K agingga 40-K ti manamnama a tourist arrivals ti siudad tunggal aldaw kabayatan ti Holy week.
Impasiguradona met a malaksid kadagiti nagduduma nga aktibidad ti siudad kabayatan ti Summer Season ket maipatalged met ti seguridad dagiti turista kabayatan ti panagbakasyon dagitoy.
Inayonnga a nakasagan ti assistance a maipaay ken ti panagsagana iti posibilidad ti crowding ken parikot iti trapiko babaen dagiti volunteers a tumulong kadagiti otoridad.
Mainaig iti dayta, agtultuloy met nga ad-adalen ti siudad ti treshold wenno carrying capacity iti bilang dagiti turista a mapasangbay nangruna iti in-inoten a napalukayan nga restrictions.
