--Ads--
Dumanonen iti nasurok 2.5 million ti nailista a nagparehistro para iti 2025 Midterm Elections.
Daytoy ket kas maibasar paylaeng iti kaudian a datos manipud kadagiti local election offices, satellite registration centers ken iti “Register Anywhere Program” stations iti intero a pagilian.
Gapu iti daytoy, manamnama a magun-od ti 3 million a target ti Commission on Elections (COMELEC).
Kaadduan a nakailista ti Calabarzon nga addaan ti 466-k, sarunuen ti Metro Manila nga addaan ti 378-k bayat a nakailista ti Central Luzon ti nasurok 295-k.
Kabayatanna, maipalagip nga agleppas ti registration period inton Setyembre trenta, iti agdama a tawen.
