Napaneknekan ti maysa a korte idiay Taguig City a nagbasol ti dua a komander ti Moro Islamic Liberation Front (MILF) gapu iti panangpapatayda kadagiti kameng ti Special Action Force (SAF) sadiay Mamasapano, Maguindanao.
Sigun iti Department of Justice (DOJ), pinaneknekan ti Taguig Regional Trial Court (RTC) Branch 153 a da Abubakar Guiaman ken Mohammad Ali Tambako ket nagbasol iti 35 a kaso ti pammapatay wenno homicide.
Nababbaba daytoy ngem iti damo a darum a direct assault with murder.
Sigun iti DOJ, sinentensiaan ti korte dagitoy nga agsagaba iti pannakaibalud manipud walo a tawen agingga iti agingga iti 14 a tawen ken walo a bulan.
Maipalagip nga Enero 2015, pakabuklan nga uppat a pulo ket uppat nga elite commando ti SAF—a nalatak iti awag a SAF 44—ket napapatay kalpasan ti engkuwentro dagitoy iti MILF, Bangsamoro Islamic Freedom Fighters ken dadduma pay nga armado a grupo.
Napapatay ti terorista a ni Zulkilfi bin Hir, alias Marwan iti operasion ti puersa ti gobierno bayat a ni Basit Usman ket napapatay dagiti otoridad idi Mayo idi napalabas a tawen.
Idi 2017, indeklara ni daydi President Rodrigo Duterte ti Enero 25 kas National Day of Remembrance para iti SAF 44.
Bayat met ti pananglagip ti aldaw idi Enero, impeksa ni President Ferdinand “Bongbong” Marcos Jr. ti kinapateg dagiti sakripisio ti SAF 44 iti pagilian.
