Pimmusay ti 22 a Palestinians a kaaduan kadagitoy ket manipod amianan a Gaza Strip gapu iti airstrike nga impatungpal dagiti suldado ti Israel.
Pinuntiria ti Israel dagiti pagadalan a pagtataengan dagiti Gazans, sigun kadagiti medics ken umili sadiay.
Agarup 11 kadagiti pimmusay ket napapatay iti nagsina nga airstrike ti Israel kadagiti babbalay ti Gaza City, 9 ti napapatay iti ili ti Beit Lahiya, Beit Hanoun ken Jabalia camp ken 2 ti napapatay iti drone fire idiay Rafah.
Sigun kadagiti umili sadiay, nabomba dagiti babbalay ken dadduma ti nauram kadagiti tallo nga ili.
Nasurok dua a bulanen nga agop-operate ti Israel kadagiti nadakamat nga ili.
Kabayatanna, inlawlawag met ti Israel a ti panagatake kadagiti command ken control center iti Abu Shabak clinic iti amianan a Gaza ket gaputa ar-aramaten ti Hamas a pangidulinan kadagiti armas ken agplano kadagiti panagraut kontra kadakuada.
