BAGUIO CITY – Pinarut dagiti operatiba ti PDEA-Cordillera ti 27 a puon dagiti marijuana a naimula iti igid ti garden a namulaan ti repolyo sadiay Sayangan, Atok, Benguet idi kalman.
Nasarakan pay ti 22 a puon ti mapagpagango a marijuana.
Tiniliwda met ti senior citizen a ni Michael Bitabit kalpasan a naaktuwan ti panangibilbilagna iti naapit a marijuana plants.
Sumangsangon daytoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
Kinuna ti PDEA-Cordillera a ti operasyon ket resulta ti impormasyon a naawatda manipud iti maseknan a residente kalpasan a nangngegan ti nasao a maseknan ti report mainaig iti senior citizen ditoy Baguio a natiliw gapu iti panagmulana ti marijuana iti mismo a pagtaenganna.