ESTADOS UNIDOS – Ka-Bombo, anya ti kayam nga aramiden iti gayemmo nu nakaunget ka?
Ammo yu kadi nga idiay Florida, USA ket masangsango iti nagtutuon a kaso ti 27-anyos a ni Aaliyah Ross kalpasan ti panangbanggana iti gayemna ken iti maysa a tawen ken uppat a bulan nga anak dagitoy gapu iti saanda a pinagkinaawatan.
Maibasar iti imbestigasyon, agap-apa dagiti aggayyem idi napagdesisyonan ti lalaki a rumuar igem ti anakda nga ubing tapno agpaangin.
Nu pay kasta, iti panagruarna ket binarsakanna ti lugan ni Aaliyah rason a mas nagunget daytoy.
Gapu iti dayta, inlugan ni Aaliyah dagiti dua pay nga anak dagitoy ken ditoy nga impaandarna ti lugan ken in-abantena tapno banggaenna ti gayem ken ti anakda.
Saan a nagsardeng ni Aaliyah a nagmaneho agingga a naidungpar dagitoy iti balay ti kaarubada.
Sinublian met ni Aaliyah ti anak dagitoy ngem insublina iti uneg ti pagtaenganda.
Kalpasanna dayta ket pimmanaw daytoy kaduana ti dua nga anakda.
Kabayatanna, nabaelan ti lalaki a bimmangon ken ditoy nga inalana ti anakda para iti panagturongda iti ospital nu sadino natakuatan a kritikal ti kondisyon ti ubing.
Dagus met a naarestar ni Aaliyah babaen ti bisa ti warrant of arrest.
