BAGUIO CITY – Dumanon iti 30 a Persons Deprived of Liberty (PDLs) ken dua a correctional officers manipod iti Baguio City Jail ti nagsanay para iti Restaurant Services
Ti nadakamat a skills training ket naangay sadiay Baguio City Jail Multipurpose hall idi May 18 agingga May 20, 2022.
Nailawlawag a tarigagay ti nadakamat nga aktibidad a maipaayan dagiti PDLs iti oportunidad a maaddaan iti skills a maaramatda iti kanito nga agsublida iti komyunidad.
Mabalinda met a maaramat ti nadakamat nga skills kabayatan ti kaadda da iti pagbaludan nangruna ta adda met latta dagiti espesyal nga okasyon a maipatpatungpal iti Baguio City Jail.
Dagiti naisuro nga skills kadagiti participants ket iti table skirting, napkin folding, table appointment arrangement, serving, ken bussing out a trabaho dagiti waitstaff wenno waiters kadagiti food industry.
