BAGUIO CITY – Napilaan ti kaso a qualified theft ti 31-anyos a babaonen kalpasan a maatap a tinakawanna ti amona sadiay Manuel Roxas Street, Imelda Marcos, Baguio City.
Maibasar iti report ti BCPO Station 3, pakabuklan a P120-K ti tinakaw ti suspek.
Napasamak ti umuna nga insidente idi bulan ti Hulyo nu sadino nagbakasyon ti biktima ken ti pamilyana sadiay La Union.
Naibati ti biktima ti P20-K iti steel cabinet ti kwartona ken idi daydi a panawen ket ti suspek laeng ti nabati iti nasao a balay.
Idi nagawid ti pamilya ken naduktalanda a mapukpukaw ti nasao a gatad.
Inaklon met ti suspek nga isuna ti nangala ken nagkiddaw daytoy ti pammakawan ken maika-dua a gundaway.
Nupay kasta, idi laeng Nobyembre 27, maatap a tinakaw ti suspek ti P100-K a kwarta ti amona nu sadino saanen daytoy a makontak.
