--Ads--
BAGUIO CITY – Nakemmeg ti 32 nga indibidual a pakairamanan ti sumagmamano a foreigners a naglabsing iti paglintegan ti Enhanced Community Quarantine (ECQ) ditoy siudad ti Baguio idi kalman.
Sigun ken ni BCPO Director Pol. Col. Allen Rae Co, nakemmeg dagiti nasao nga indibidual iti nagduduma a paset ti siudad.
Karaman kadagiti nakemmeg ti sumagmamano a minor de edad, senior citizens, uppat a Yemeni nationals ken maysa a Japanese national.
Kasaruno ti pannakakemmegda ket naiturong dagitoy iti holding areas ti pulisya ken nagtalinaedda sadiay iti innem nga oras.
Impanamnama ni Co a karkaro pay a maingetan ti pannakakemmeg dagiti Unauthorized Persons Outside Residences (UPORs) ditoy siudad kadagiti sumaruno nga al-aldaw kagiddan ti ECQ.
