Nakemmeg ti 25-anyos a lalaki, tubo ti Mankayan ken residente ti Tawang, La Trinidad, Benguet iti naisayangkat a buy bust operation di kalman sadiay BAPTC, Betag,La Trinidad, Benguet
Nakumpiskar manipud iti suspek ti agarup dua a gramo ti maatap a shabu nga adaan iti gatad nga agarup P5-K.
Malaksid iti dayta, naala manipud kenkuana ti maysa a genuine 1000 peso bill, innem a pidaso ti sangaribu a boodle money, maysa nga android a selpon ken BIR identification card.
Ti suspek ket maysa nga street level individual.
Balligi a naipatungpal ti buy bust operation babaen iti panagtinnulong ti Philippine Drug Enforcement Agency Cordillera Administrative Region Ifugao Police Office (PDEA CAR IPO) ken Phillipines Drug Enforcement Agency Cordillera Administrative Region Regional Security Enforcement Team (PDEA CAR RSET).
Nagkedked metten a mangipaay iti statement ti suspek.
Sumangao ti nasao a lalaki iti kaso a panglabsing ti RA 9165 wenno comprehensive dangerous drug act of 2002.//Bombo Noveh Organo
