Nakemmeg ti maysa a plumber, agtawen iti 46, nga agdama a residente iti Quirino Hill, Baguio City, babaen iti naipatungpal a buy-bust operation idi rabii iti Purok 27, Upper Irisan, Baguio City idi kalman ti rabii.
Ti suspek ket naklasipikar kas Street Level Individual ken sigud a natiliw gapu iti kapada a kaso a panaglabsing iti R. A. 9165 idi napalabas a tawen.
Nasamsam manipod iti suspek ti dua a pidaso iti heat sealead transparent plastic sachet a naglaon iti maatap a shabu.
Agdagsen daytoy iti agarup 10 grams nga addaan iti Standard Drug Price a P68,000.00
Malaksid iti dayta, nakumpiskar manipod iti suspek ti maysa nga sling bag, wallet, keypad, genuine 500 peso bill, 15 a pidaso iti 1000 peso bill boodle money ken 9 a pidaso iti 500 peso bill.
Balligi a nakemmeg ti suspek babaen iti panagregget ti RPDEU PRO CAR (lead unit), RID PROCAR, BCPO S9, CDEU, CIU PDEG SOUCAR ken RIU 14.
Ti suspek, kasta metten dagiti nasamsam nga ebidensya ket addaan iti kostodia iti RPDEU PRO CAR para ti dokumentasyon ken umno a disposiyon. | via Bombo Noveh Organo
