BAGUIO CITY – Sumangsango iti kaso a reckless driving resulting in multiple physical injuries ti maysa a lalaki kalpasan nga inarado ti imanmanehona a kotse dagiti field training police ken field training officers dagitoy sadiay Amistad Road, Camp 7, Baguio City idi parbangon.
Iti panakiyuman ti Bombo Radyo kenni Police Lt. Col. Oliver Panabang, dadaulo ti Traffic Enforcement Unit ti Baguio City Police Office (BCPO), kinunana a manarimaan ti panag-jogging dagiti police trainees ken dagiti field training officers dagitoy idi napasamak ti insidente.
Sigun kenkuana, pasalog dagiti police trainees ken training officers kagiddan ti nasao a kotse idi inaradona dagitoy.
Nabigbig dagiti nadangran a police trainees a da Christian Umay-o, Crisanto Lasbacan, Bret Tindongan ken Kitty Faith Senay bayat a ti field training officer ket ni Police Master Seargent Wilhelm Guillermo.
Dagus metlaeng a nakaruar dagiti biktima iti pagagasan bayat a boluntaryo a simmuko iti BCPO – Station 8 ti driver nga ita ket sumangsango iti kaskenan a kaso.
Naamuan nga adda iti impluwensia ti arak ti nasao a driver.
