Nasurok kagudua a Pilipino a registered voters ti saan nga umannamong iti pannakatiliw ni sigud a President Rodrigo Duterte tapno sanguenna ti kaso iti International Criminal Court nga adda pakainaiganna iti mapapati a pammapatay bayat ti administrasionna iti sidong ti programana a war on drugs.
Maibasar iti kaudian a Pulse Asia survey a naisayangkat manipod Mayo 6 agingga 9 kadagiti 1,200 respondents iti pagilian, 99% ti nakanggeg, nakabasa, ken nangbuya seknan iti pannakatiliw ni sigud a President Duterte sakbay ti survey.
58% ti saan nga umannamong iti pannakatiliw (25% somewhat disagree, 33% strongly disagree) bayat a 26% ti immanamong (10% strongly agree, 16% somewhat agree).
16% met ti saan a makaibaga nu ummanamongda wenno saanda nga ummanamong.
Ti survey ket addaan ti error margin a ±2.8 percentage points.
