BAGUIO CITY – Naipaima ti innem a lugan iti Benguet Agri-Pinoy Trading Center (BAPTC) kas panagsuportar ti Department of Agriculture (DA) iti operasyon ti pasilidad.
Napunduan daytoy iti P10.62-M manipud iti DA ken naidalan iti provincial government ti Benguet.
Maaramat dagiti nasao a lugan iti market development ken linkage activities para iti panakaital-o dagiti highland vegetables, no sadino, maysa a van ti aramaten ti trading center para kadagiti transaksionda bayat a tallo a trak ti maaramat iti marketing activities.
Manamnama a babaen iti nasao a proyekto ket mapalaka ti panakailako dagiti nateng dagiti mannalon ken maipaayanda iti nalaklaka a transport facilities tapnu maksayan ti insidente iti panakaibelleng dagiti saan a magatang a nateng.
