--Ads--
Addan iti kustodiya ti Department of Social Welfare and Development dagiti dua nga ubbing a lallaki nga agtawen iti walo ken sangapulo kalpasan a naduktalan ti mapapati a panangramesda iti 6-anyos a babae sadiay Mabalacat City, Pampanga.
Maibasar iti report manipud iti resulta ti imbestigasyon dagiti pulis mapapati nga agay-ay-ayam ti ubing a babae iti basketball court idi mapapati nga inguyod ken induron dagiti dua nga ubbing a lallaki daytoy iti karuutan, ken ditoyda a nirames.
Dagus met nga imbaga ti biktima ti napasamak kenkuana iti nanangna rason a nagreport dagitoy kadagiti pulis.
Nupay kasta, iti agdama ket awan paylaeng ti komento dagiti nagannak dagiti dua nga ubbing a lallaki seknan iti nasao nga insidente.
