Impakaammo ti Bureau of Customs (BOC) a naduktalan dagitoy a walo manipud kadagiti 12 a luxury cars ti Discaya Family ket awanan iti entry records iti Pilipinas.
Daytoy ket kalpasan a naipaayan dagiti Discayas iti sangapulo nga aldaw a mangipakita iti aniaman a pammaneknek a nagbayad dagitoy iti umno a buwis para kadagiti high-end vehicles dagitoy.
Gapu iti dayta, kinuna ni Customs Commissioner Ariel Nepomuceno a nasken dagitoy nga agbalin a responsable, ken siguraduen a nasayaat ti imbestigasyon dagitoy.
Panggep metten ti Bureau of Customs (BOC) nga i-secure ti search warrant para kadagiti dadduma pay a luxury cars ti Discaya family.
Kasaruno daytoy ti impetteng ni Sarah Discaya nga addaan dagitoy iti pakabuklan a 28 a luxury cars.
Nupay kasta, kinuna ni Senate Pro Tempore Jinggoy Estrada a ti rekord manipud iti Land Transportation Office ket dumanon iti 40 high-end cars ti kukua ti nasao a pamilya.
Kabayatanna, in-revoked ti Philippine Contractors Accreditation Board (PCAB) ti licensya dagiti siyam a construction companies a kukua dagitoy.
