BAGUIO CITY – Dumanon iti 80-k a benepisyaryo ti nagnumar iti Bagong Pilipinas Serbisyo Fair (BPSF) a naisayangkat iti probinsiya ti Benguet idi Abril 21 agingga Abril 22, iti agdama a tawen.
Indauloan ni House Speaker Martin Romualdez ken pito pulo nga ahensiya ti gobyerno ti panakaipaay ti nagduduma nga ayuda ken tulong nga agbalor iti P412-milyon kadagiti residente iti Benguet State University sadiay La Trinidad, Benguet.
Daytoy ket babaen metlaeng iti inisyatibo ni Benguet Rep. Eric Go Yap ken panagsuporta ni Benguet Gov. Melchor Diclas para iti naballigi a panakaisayangkat ti nasao nga event.
Impasigurado ni Romualdez nga awan ti maibati iti panakaitandudo iti Bagong Pilipinas.
Ti Benguet ti kaunaan a lugar iti rehiyon Cordillera a dinanon ti Bagong Pilipinas Serbisyo Fair ken maika-sangapulo ket lima a lugar a nakaipatungpalan ti service caravan a programa iti agdama nga administrasyon.//Bombo Marinel Rodrigo
