--Ads--
Inarestar dagiti otoridad ti 26-years-old a lalaki gapu iti panangrames ken panangpapatayna iti bedridden a 84-years-old a babae idiay Barangay San Nicolas, Pampangga itay nabiit.
Sigun kenni Police Lt. Col. Julius Alvaro, Floridablanca chief of police, nabigbig ti suspek a ni Alexander.
Sigun pay kenni Alvaro, adda iti sidong ti arak ken iligal a droga ti suspek idi napasamak ti insidente.
Nagsagrap iti bagsol ti biktima a nangitunda iti ipupusay daytoy.
Malaksid iti dayta, narekober metlaeng manipud iti suspek dagiti dua a tinakawna a cellphone ken wallet manipud iti biktima.
Kabayatanna, inaklon ti suspek ti inaramidna a krimen ken sumangsango ita iti nagtutuon a kaso bayat a nakaibalod iti Floridablanca police station.
