--Ads--
Nagbakwit itan dagiti siyam a pamilya a bukbuklen dagiti dua pulo ket dua nga indibidual a naapektaran idiay Mountain Province gapu paylaeng iti panagdalapos ti agdama a bagyo.
Impakaammo metlaeng ni Regional Director Maria Aplaten manipud iti Department of Social Welfare and Development-Cordillera a maysa a pamilya idiay Tinglayan, Kalinga ti naapektaran gapu paylaeng iti panagreggaay ti daga.
Gapu iti dayta,nagballaag manen ni Aplaten iti publiko nga agbalin nga alerto ken suruten ti pammilin dagiti maseknan nga opisyales iti bukodda a barangay ken munisipyo tapno maliklikan ti insidente.
Innayonna metlaeng a kasapulan nga agbalin a nakasagana tunggal oras ken agisagana kadagiti emergency bags partikular ita a mapaspasaran ti bagyo.
