--Ads--
Impakaammo ni Commission on Elections(COMELEC) Chairman Atty. George Erwin Garcia nga adda dagiti siam a kontraktor a nangidonar iti pondo kadagiti kandidato iti 2025 Midterm Elections.
Nupay kasta, impetteng ni Atty. Garcia a manarimaan paylaeng iti panangberipikarda iti daytoy rason a saanda pay mainaganan dagiti karaman.
Malaksid iti dayta, manarimaan metlaeng ti panangrebyuda iti Statements of Contributions and Expenditures (SOCE) nga impila dagiti 66 a senatorial candidates ken 155 a party-list groups.
Manamnama met nga isumitir ti poll body ti pinal a listaan dagiti kontraktor iti Department of Public Works and Highways (DPWH) para iti panakrebyu iti government contract holdings.
