Nagbakwit dagiti 9403 nga indibidual wenno 2880 a pamilya idiay Negros Occidental gapu paylaeng iti panagbettak ti Kanlaon Volcano.
Sigun iti Office of the Civil Defense agarup 5,400 nga indibidual wenno 1,686 a pamilya ket manipud iti barangay Cabagnaan, Camandag, Sag-Ang, Biaknabato, Mansalanao, Masulog, Manghanoy, ken Robles, La Castellana.
1548 met nga indibidual ti manipud iti Bago City, 2019 nga indibidual manipud La Carlota City ken 400 nga indibidual idiay Pontevedra.
Gapu iti dayta, nainget ti monitoring ti Municipal Disaster Risk Reduction and Management Office idiay La Castellana kadagiti dadduma pay a lugar para iti seguridad dagiti umili.
Malaksid iti dayta, naactivate metlaeng ti Incident Command System kasta metten a naideploy dagiti responders kadagiti naapektaran a lugar sadiay.
Kabayatanna, naituding metten nga agibakwit metlaeng dagiti 87,000 pay nga indibidual gapu paylaeng iti nasao nga insidente.
