--Ads--
BAGUIO CITY – Impalagip manen ti LTFRB kadagiti drivers ti parapubliko a lugan a mangipaay dagitoy ti 20% a diskwento kadagiti estudyante kagiddan ti panagrugi ti klase ita nga aldaw.
Sigun kenni LTFRB-CAR Regional Director Engr. Lalaine Sobremonte, mapatawan iti P1,000 agingga P4,000 a multa dagiti drivers nga aglabsing iti daytoy.
Inayonna a posible pay a masuspendir ti lisensiya dagiti drivers ken makanselar ti Certificate of Public Convenience dagitoy nu saan nga agtungpal iti “Student Fare Discount Act” (R.A. 11314).
Malaksid kadagiti estudyante, maipaayan metlaeng iti 20% a diskwento dagiti senior citizens ken PWDs.
Gapu iti daytoy, ti minimum a plete dagiti nadakamat a sektor ket siyam a pisos.
