--Ads--
Napasaran kadagiti nagduduma a paset iti Rehiyon Cordillera ti frost wenno panag-andap kagiddan ti panagbaba ti temperatura ita a bulan.
Immunan a nairekord ti panag-andap sadiay Atok, Benguet pakairamanan ti Mount Cabuyao, Santo Tomas, Tuba, Benguet, Mt. Pulag ken dadduma pay a lugar.
Nupay kasta, agbalbalin met a pakaseknan daytoy dagiti mannalon agsipud ta dadduma kadagiti mula dagitoy a patatas, brocolli ken dadduma pay ket naapektaran.
Gapu iti dayta, ti ar-aramiden dagiti mannalon a solusyon iti daytoy ket masapada iti parbangon nga agsibog tapno marunaw dagiti andap.
Kabayatanna, napasaran metten ti kababaan a temperatura iti siudad ti Baguio a dumanon iti 11.8 degree celcius ita nga aldaw.
